Team Power Smart ਨਾਲ ਜੁੜੋ।
ਸਮਾਰਟ ਊਰਜਾ ਸੁਝਾਵਾਂ, ਮੌਜ ਅਤੇ ਇਨਾਮਾਂ ਤੱਕ ਪਹੁੰਚ ਪ੍ਰਾਪਤ ਕਰੋ
ਬੀ.ਸੀ. ਵਿੱਚ 350,000 ਤੋਂ ਵੀ ਵੱਧ ਪਰਿਵਾਰ Team Power Smart ਦਾ ਹਿੱਸਾ ਬਣ ਕੇ ਸਮਾਰਟ ਊਰਜਾ ਚੋਣਾਂ ਕਰ ਰਹੇ ਹਨ ਅਤੇ ਪੈਸੇ ਬਚਾ ਰਹੇ ਹਨ, ਅਤੇ ਤੁਸੀਂ ਵੀ ਅਜਿਹਾ ਕਰ ਸਕਦੇ ਹੋ।
ਟੀਮ ਮੈਂਬਰਾਂ ਨੂੰ ਵਿਸ਼ੇਸ਼ ਪੇਸ਼ਕਸ਼ਾਂ ਅਤੇ ਇਨਾਮ ਜਿੱਤਣ ਲਈ ਹਰ ਮਹੀਨੇ ਹੋਣ ਵਾਲੇ ਮੁਕਾਬਲਿਆਂ ਤੱਕ ਪਹੁੰਚ ਮਿਲਦੀ ਹੈ। ਤੁਹਾਨੂੰ ਪ੍ਰੇਰਿਤ ਰੱਖਣ ਵਾਸਤੇ ਤੁਸੀਂ ਟੀਮ ਦੇ ਹੋਰਨਾਂ ਮੈਂਬਰਾਂ ਤੋਂ ਸਹਾਇਕ ਸੁਝਾਅ, ਸਲਾਹ ਅਤੇ ਸਫ਼ਲਤਾ ਦੀਆਂ ਕਹਾਣੀਆਂ ਵਾਲਾ ਇੱਕ ਮਹੀਨਾਵਾਰ ਨਿਊਜ਼ਲੈਟਰ ਵੀ ਪ੍ਰਾਪਤ ਕਰੋਗੇ।
ਊਰਜਾ ਦੀ ਬਚਤ ਕਰ ਕੇ ਟੀਮ ਮੈਂਬਰ $100 ਕਮਾ ਸਕਦੇ ਹਨ
Team Power Smart ਦੇ ਮੈਂਬਰ ਵਜੋਂ, ਜੇਕਰ ਤੁਸੀਂ ਆਪਣੀ ਬਿਜਲੀ ਦੀ ਵਰਤੋਂ ਵਿੱਚ 10% ਦੀ ਕਮੀ ਕਰਦੇ ਹੋ, ਤਾਂ ਤੁਸੀਂ $100 ਕਮਾਉਣ ਲਈ ਬਿਜਲੀ ਦੀ ਖਪਤ ਘਟਾਉਣ ਦੀ ਚੁਣੌਤੀ (Reduction Challenge) ਵਿੱਚ ਹਿੱਸ ਲੈ ਸਕਦੇ ਹੋ।
ਬਿਜਲੀ ਦੀ ਖਪਤ ਘਟਾਉਣ ਦੀ ਚੁਣੌਤੀ ਕਿਵੇਂ ਕੰਮ ਕਰਦੀ ਹੈ:
- ਆਪਣੇ ਆਨਲਾਈਨ ਖਾਤੇ ਵਿੱਚ ਲੌਗ-ਇਨ ਕਰ ਕੇ Team Power Smart ਵਿੱਚ ਸ਼ਾਮਲ ਹੋਵੋ। ਇਹ ਮੁਫ਼ਤ ਹੈ ਅਤੇ ਇਸ ਵਿੱਚ ਸ਼ਾਮਲ ਹੋਣਾ ਆਸਾਨ ਹੈ।
- ਬਿਜਲੀ ਦੀ ਖਪਤ ਘਟਾਉਣ ਦੀ ਚੁਣੌਤੀ ਦੀ ਸ਼ੁਰੂਆਤ ਕਰੋ ਅਤੇ ਆਪਣੇ ਘਰ ਵਿੱਚ ਬਿਜਲੀ ਦੀ ਖਪਤ ਵਿੱਚ ਆਉਂਦੇ ਇੱਕ ਸਾਲ ਦੌਰਾਨ 10% ਕਟੌਤੀ ਕਰਨ ਲਈ ਵਚਨਬੱਧ ਹੋਵੋ।
- 365 ਦਿਨਾਂ ਤੋਂ ਬਾਅਦ, ਜੇ ਤੁਸੀਂ ਆਪਣਾ ਟੀਚਾ ਹਾਸਲ ਕਰਨ ਵਿੱਚ ਕਾਮਯਾਬ ਹੁੰਦੇ ਹੋ ਤਾਂ ਤੁਹਾਨੂੰ $100 ਦਾ ਇਮਾਨ ਮਿਲੇਗਾ। ਆਮਦਨ ਦੇ ਆਧਾਰ 'ਤੇ ਯੋਗ ਗਾਹਕ $150 ਤੱਕ ਦਾ ਤਿੰਨ ਗੁਣਾ ਇਨਾਮ ਕਮਾ ਸਕਦੇ ਹਨ।
ਬਿਜਲੀ ਦੀ ਸੰਭਾਲ ਸੰਬੰਧੀ ਚੁਣੌਤੀ
ਬਿਜਲੀ ਦੀ ਖਪਤ ਘਟਾਉਣ ਦੀ ਚੁਣੌਤੀ ਨੂੰ ਕਾਮਯਾਬੀ ਨਾਲ ਪੂਰਾ ਕਰਨ ਤੋਂ ਬਾਅਦ, ਤੁਸੀਂ ਹੇਠ ਲਿਖੇ ਦੋ ਵਿੱਚੋਂ ਇੱਕ ਤਰੀਕੇ ਨਾਲ ਇਨਾਮ ਜਿੱਤਣਾ ਜਾਰੀ ਰੱਖ ਸਕਦੇ ਹੋ:
- ਬਿਜਲੀ ਦੀ ਸੰਭਾਲ ਸੰਬੰਧੀ ਚੁਣੌਤੀ ਸ਼ੁਰੂ ਕਰੋ, ਜਿਸ ਵਿੱਚ ਜੇ ਤੁਸੀਂ ਬਿਜਲੀ ਦੀ ਆਪਣੀ ਘੱਟ ਹੋਈ ਖਪਤ ਨੂੰ ਅਗਲੇ 12 ਮਹੀਨੇ ਬਰਕਰਾਰ ਰੱਖਦੇ ਹੋ ਤਾਂ ਤੁਸੀਂ $25 ਜਿੱਤੋਗੇ, ਜਾਂ
- ਇੱਕ ਹੋਰ ਬਿਜਲੀ ਦੀ ਖਪਤ ਘਟਾਉਣ ਦੀ ਚੁਣੌਤੀ ਸ਼ੁਰੂ ਕਰੋ।